КЛАВИР
КЛАВИ́Р (нем. Кlaviеr) – 1) европ. клавишалуу муз. аспаптардын (клавикорд, клавесин, фортепьяно, орган ж-а алардын түрлөрү) жалпы аты; 2) клавираусцуг – муз. сахна чыгармаларын (опера, оратория, кантата ж. б.) фортепьяно м-н ырдоого которуу. К. музыка жаратуунун негизги элементтерин: обонду, гармонияны, ыргакты камтыйт. Бул учурда оркестрдин үндөрү гана которулат. К. вокалдык партияларды аткаруучу ж-а хор жаттоо үчүн репетиция процессинде ж. б. колдонулат. Балет музыкасын скрипкада ойноого которуу м-н мурда колдонулуп жүргөн «репетиторду» алмаштырды.