КЕҢ-АРАЛ
КЕҢ-АРАЛ – Талас обл-нун Бакай-Ата р-нундагы кыштак. Кең-Арал айыл округуна караштуу. Деңиз деңг. 1625 м бийикте жайгашкан. Райондун борбору Бакай-Ата кыш-нан 32 км чыгыш тарапта. Жамбыл (Казакстан) т. ж. бекетинен 110 км. Кыштак 1928-ж негизделген. Калкы 2940 (2008); негизинен дыйкан чарбаларында эмгектенет. Орто мектеп, китепкана, бала бакча, ФАП, клуб бар. Соода түйүндөрү, 2 тегирмен, пилорама иштейт.