КАШКАЛАК
КАШКАЛАК – Жалал-Абад обл-нун Ала-Бука р-нундагы кыштак. Т. Балтагулов атн. айыл округуна караштуу. Деңиз деңг. 1152 м бийикте жайгашкан. Райондун борбору Ала-Бука кышнан 12 км түш.-чыгыш тарапта. Наманган т. ж. бекетинен 63 км. Калкы 2808 (2007); негизинен мал ж-а дыйкан чарбаларында эмгектенет. Орто мектеп, китепкана, мад-т үйү, бала бакча, стадион бар. Мончо, тегирмен, майжуаз цехтери иштейт.