КАРА-ШОРО ЖАРАТЫЛЫШ ПАРКЫ
КАРА-ШОРО ЖАРАТЫЛЫШ ПАРКЫ Өзгөн р-нунун аймагында. 1996-ж. уюшулган. Фергана тоо тизмегинин түш.-батыш капталындагы минералдуу булак чыккан, токой, шалбаа өсүмдүктөрү жакшы сакталган аймакты камтыйт. Аянты 845 га. Паркта Батыш Теңир-Тоо м-н Памир–Алай тоо тармактарына мүнөздүү ажайып токойлор (карагай, жаңгак-жемиш, арча), бийик шалбаа өсүмдүктөрү, бадалдар ж-а алардын арасында ар түрдүү жаныбар бар.