КАРА-ЧУҢКУР
КАРА-ЧУҢКУР – Ысык-Көл обл-нун Түп р-нундагы кыштак. Санташ айыл округуна караштуу. Күнгөй Ала-Тоонун этегинде, Түп өрөөнүнүн түндүгүндө, Түп – Каркыра автомобиль жолунун боюнда, деңиз деңг. 1755 м бийикте жайгашкан. Райондун борбору Түп кыш-нан 29 км чыгыш тарапта. Балыкчы т. ж. бекетинен 220 км. Калкы 1488 (2007); негизинен мал м-н алектенип, тоют өсүмдүктөрүн даярдашат. Орто мектеп, китепкана, оорукана, дарыкана ж-а мад-т үйү бар. Турмуш-тиричилик кызматынын бөлүмдөрү, соода жайлары иштейт.