КАРА БҮЛДҮРКӨН
КАРА БҮЛДҮРКӨН , е ж е в и к а (Rubus caesius) – атыр гүлдүүлөр тукумундагы бадалча. Сабагынын бийикт. 1 мдей, майда тикендүү, жалбырагы үч ача, эки жагы тең бирдей жашыл, түктүү, жалбырак саптары майда тилкелүү. Гүлдөрү ак, мала кызыл. Гүл саптары тикендүү. Чөйчөкчөлөрү жашыл түктүү, мөмөсүнө
жармашат. Мөмөсү – топтошкон жемиш, кара,
кочкул кызыл түстө. 400дөн ашык түрү бар.
Көбүнчө Европада, Түн. Америкада өсөт. КМШ
өлкөлөрүндө 90 түрү, Кырг-нда жапайы 1 түрү –
суу жээгиндеги токойлордо таралган. Дары-дармек катары, о. эле жемиши, жалбырагы, түбү пайдаланылат.