КАНЫККАН БУУ
КАНЫККАН БУУ – өзүнүн суюктугу м-н динамикалык (кыймылы) тең салмактуулукта болгон буу. Бул учурда суюктук бетинен учуп чыккан молекулалардын саны ошол эле убакытта суюктукка айланган буунун молекулаларынын санына барабар болот. Суюктуктун өзүнүн буусу м-н тең салмактагы шартта көлөмгө көз каранды болбогон р0 буу басымы К. б. басымы деп аталат. К. б. кризистик темп-радан Ткр төмөнкү темп-рада болушу мүмкүн. К. б-да суу тамчылары болсо, ал нымдуу, болбосо, кургак болот. К. б-нун темп-расы төмөндөсө, суюктукка, ал эми жогоруласа, бууга айланат.