КАНЫККАН БУУ

КАНЫККАН БУУ – өзүнүн суюктугу м-н дина­микалык (кыймылы) тең салмактуулукта бол­гон буу. Бул учурда суюктук бетинен учуп чык­кан молекулалардын саны ошол эле убакытта суюктукка айланган буунун молекулаларынын санына барабар болот. Суюктуктун өзүнүн буу­су м-н тең салмактагы шартта көлөмгө көз ка­ранды болбогон р₀ буу басымы каныккан буу басымы деп аталат. Каныккан буу кризистик температурадан Т_кр тө­мөнкү температурада болушу мүмкүн. Каныккан бууда суу там­чылары болсо, ал нымдуу, болбосо, кургак бо­лот. Каныккан буунун температурасы төмөндөсө, суюктукка, ал эми жогоруласа, бууга айланат.