КАЛЫП (техникада)
КАЛЫП т е х н и к а д а – 1) куюлмаларды (металл, айнек, желим, бетон, кыш, таш ж. б.) алууда колдонулуучу форма. К-ка эритилген же атайын кошулмалардын негизинде даярдалган материал куюлат. Ысыкка чыдамдуу, бышык бекем материалдан даярдалат. Ар кандай түрлөрү бар. Бетон ж-а темир-бетон констр-ларды көтөрүүдө арматура ж-а бетон аралашмасы салынуучу форма. К. жыгач, металл, темир-бетон, пластмасса, карапа ж. б. материалдан даярдалат. Ажыратып кайра коюлма, көлөмдүүблоктуу ж-а жылдырылма (кыймылдуу) К-тар кеңири тараган.