КАЛТАК
КАЛТАК – Баткен обл-нун Кадамжай р-нундагы кыштак. Үч-Коргон айыл округуна караштуу. Алай кырка тоосунун жакасындагы ойдуңда, деңиз деңг. 980 м бийикте жайгашкан. Райондун борбору Пүлгөн кыш-нан 75 км чыгыш тарапта. Кызыл-Кыя т. ж. бекетинен 3 км. Калкы 1860 (2007); негизинен дыйкан чарбаларында эмгектенет. Орто мектеп, китепкана, бала бакча, медпункт бар. Соода түйүндөрү, турмуш-тиричилик кызматынын бөлүмдөрү ж. б. иштейт.