КРЕМНИЙ КИСЛОТАЛАРЫ

КРЕ́МНИЙ КИСЛОТАЛАРЫ – кремний ангид­ридинен алынган заттар. Өтө начар, сууда аз эриген к-талар. Таза түрүндө метакремний Н₂S₂О₃ же кремний к-тасы жана орто кремний Н₄SiO₄ жана экиметакремний Н₂Si₂O₅ к-талары алынган.
К. к-нын өтө каныккан эритмелеринде коллоид­дик бөлүкчөлөр пайда болот. Коллоиддик эрит­мелердин туруктуулугу чөйрөнүн рН-ына, SiO₂ концент-на, темп-рага көз каранды болот. К. к­нын эритмелеринин рНы 2-2,5 болсо, коллоид­дик бөлүкчө туруктуу болуп, рН 5-6дан көбүрөөк болсо, коллоиддик бөлүкчөлөр ассоциацияла­нып, гелдер пайда болот. К. к-нын туздары си­ликаттар деп аталат. Аларды алуу үчүн нат­рий же калий силикаттарынын эритмесине туз НСl же күкүрт Н₂SО₄ к-тасы кошулат. К. к-нын коллоиддик эритмелери кагаз, текстиль ө. ж-нда, суу, минералдык майларды тазалоо жана бириктирүүчү заттар катары; ал эми сили­кагелдер болсо, бууну жана газдарды сиңирип алуучу адсорбент жана агарткыч зат катары кол­донулат.