КРЕМНИЙ КИСЛОТАЛАРЫ

КРЕ́МНИЙ КИСЛОТАЛАРЫ – кремний ангид­ридинен алынган заттар. Өтө начар, сууда аз эриген кислотаталар. Таза түрүндө метакремний Н₂S₂О₃ же кремний кислотасы жана орто кремний Н₄SiO₄ жана экиметакремний Н₂Si₂O₅ кислоталары алынган. Кремний кислотасынын өтө каныккан эритмелеринде коллоид­дик бөлүкчөлөр пайда болот. Коллоиддик эрит­мелердин туруктуулугу чөйрөнүн рН-ына, SiO₂ концентрациясына, температурага көз каранды болот. Кремний кислоталары­нын эритмелеринин рНы 2-2,5 болсо, коллоид­дик бөлүкчө туруктуу болуп, рН 5-6дан көбүрөөк болсо, коллоиддик бөлүкчөлөр ассоциацияла­нып, гелдер пайда болот. Кремний кислоталырынын туздары си­ликаттар деп аталат. Аларды алуу үчүн нат­рий же калий силикаттарынын эритмесине туз НСl же күкүрт Н₂SО₄ кослотасы кошулат. Кремний кислоталарынын коллоиддик эритмелери кагаз, текстиль өнөр жайында, суу, минералдык майларды тазалоо жана бириктирүүчү заттар катары; ал эми сили­кагелдер болсо, бууну жана газдарды сиңирип алуучу адсорбент жана агарткыч зат катары кол­донулат.