КЫРГЫЗ УЛУТТУК КОНСЕРВАТОРИЯСЫ
КЫРГЫЗ УЛУТТУК КОНСЕРВАТОРИЯСЫ – жогорку муз. билим берүүчү окуу жайы. 1993-ж. ачылган. 1998-ж. улуттук статусу берилген. Консерваторияда 5 ф-т (фортепьяно, теория-ком-
позитордук, оркестрдик, вокалдык, билимин өркүндөтүү), 14 кафедра ж-а сырттан окуу бөлүмү бар. Консерваторияда белгилүү иск-во ишмерлери ж-а илимд. кандидаттары, докторлору ж-а профессорлор эмгектенишет. Консерваторияда студенттердин симф., эл аспаптар оркестри, хор, фольклорчулар, скрипкачылар ансамблдери, компьютердик класс, үн жазуучу студия бар. 2004-ж. консерваториянын алдында салттык музыка борбору ачылган. Ректору М. Бегалиев (1993-жылдан).