КЫРГЫЗ УЛУТТУК КОНСЕРВАТОРИЯСЫ
Навигацияга өтүү
Издөөгө өтүү
КЫРГЫЗ УЛУТТУК КОНСЕРВАТОРИЯСЫ – жогорку музыкалык билим берүүчү окуу жайы. 1993-жылы ачылган. 1998-жылы улуттук макам берилген. Консерваторияда 5 факультет (фортепьяно, теория-композитордук, оркестрдик, вокалдык, билимин өркүндөтүү), 14 кафедра жана сырттан окуу бөлүмү бар.
Консерваторияда белгилүү искусство ишмерлери жана илимдин кандидаттары, докторлору жана профессорлор эмгектенишет. Консерваторияда студенттердин симфониялык, эл аспаптар оркестри, хор, фольклорчулар, скрипкачылар ансамблдери, компьютердик класс, үн жазуучу студия бар. 2004-жылы консерваториянын алдында салттык музыка борбору ачылган. Ректору М. Бегалиев (1993-жылдан).