КЫРГЫЗ БИЛИМ БЕРҮҮ АКАДЕМИЯСЫ (КББА)

КЫРГЫЗ БИЛИМ БЕРҮҮ АКАДЕМИЯСЫ (КББА) – мамл. ил. мекеме. 1951–92-ж. Кыргыз пед. ил.-изилдөө ин-ту (КырПИИИ), 1991–2003-ж. Кыргыз билим берүү ин-ту (КББИ), Ин­форматика ж-а информ. технологиялар ин-ту бириктирилип, КР Өкмөтүнүн токтомунун не­гизинде 2002-ж. 3-сентябрда КББА болуп тү­зүлгөн. Милдеттери: билим берүүнүн натыйжа­луулугун арттыруу, сапатын жогорулатуу, дүй­нөлүк билим берүү мейкиндигине киришүүсү, ил.-пед. уюмдарды бириктирип, билим берүүнүн теор. ж-а практикалык маселелерин чечүү; мек­тепке чейинки, мектептик, орто ж-а жогорку кесиптик билим берүүнүн фундаменталдык ж-а

колдонмо изилдөө багыттарын аныктоо ж-а изилдөө; окуу-тарбия процессин ил.-теор., ил.-методикалык жактан камсыздоо; пед. кадрлар­дын квалификациясын жогорулатуу, даярдоо ж-а кайра даярдоо; билим берүүнү информация­лаштыруу ж. б. КББАда 4 борбор ж-а 1 бөлүм иштейт: 1) мектеп ж-а мектепке чейинки би­лим берүү борбору; 2) пед. кадрлардын квали­фикациясын жогорулатуу, даярдоо ж-а кайра даярдоо борбору. 1945-ж. Мугалимдердин квали­фикациясын жогорулатуу ин-тунун негизинде түзүлгөн. Ю. М. Мусин, Б. К. Кадырова, Т. О. Өскөнбаев, Н. М. Чжен ж. б. ин-ттун уюштуруучулары болушкан; 3) кесиптик билим берүү борбору 1997-ж. уюшулган; 4) инновациялык-информ. технологиялар борбору; 1975-ж. жогорку окуу жайлар аралык эсептөө борбору болуп түзүлгөн, кийин Респ. жаңы маалымат технологиялар борбору, 1999-ж. Информатика ж-а информ. тех­нологиялар ин-туту, 2003-жылдан Иннова­циялык-информ. технологиялар борбору болуп, КББАнын курамына кирген; 5) уюштуруу, ил.- методикалык ж-а басма иштер бөлүмү. «Кыргыз билим берүү академиясынын кабарларын» чыгарат. КББАнын ил. китепканасы, окуу кабинеттери бар; чакан басмаканасы керектүү жабдыктар м-н жабдылган. Президенттери: А. Жайнаков (2003), К. А. Калдыбаев (2003–07), А. М. Мамытов (2007-жылдан).