КОРНЕЙЧУК Александр Евдокимович
КОРНЕЙЧУ́К Александр Евдокимович [12 (25). 5. 1905, Киев губерниясы, Христиновка станциясы (азыр Черкас обл-ндагы шаар) – 14. 5. 1972, Киев] – украин драматургу, коомдук ишмер, Украин ССР ИАнын (1939) ж-а СССР ИАнын (1943) академиги, Соц. Эмг. Баатыры (1967). Киев эл агартуу ин-тун бүткөн (1929). К. чыглыгын аңгеме жазуудан баштаган. 1929-ж. «Туюкта» деген туңгуч пьесасы жарык көргөн. К. – «Таш арал» (1930), «Чабуул» (1931), «Эскадранын кыйрашы» (1933), «Платон Кречет» (1934), «Чындык» (1937), «Богдан Хмельницкий» (1939), «Майдан» (1942), «Макар Дубрава» (1948), «Днепрде» (1960), «Жүрөк унутпайт» (1969) ж. б. драмалардын автору. СССР мамл. сыйл., (1941, 1942, 1943, 1949, 1951), Элдердин ортосунда тынчтыкты чыңдагандыгы үчүн эл аралык Лениндик сыйл. (1960) лауреаты. 5 Ленин ордени м-н сыйланган.