КОНСТАНТИНОВ Борис Павлович
КОНСТАНТИ́НОВ Борис Павлович [23. 6(6.7).1910, Санкт-Петербург – 9. 7. 1969, Ленинград] – орус совет физиги, СССР ИАнын академиги (1960, корр. мүчөсү, 1953), вице-президенти (1967-жылдан), Соц. Эмг. Баатыры (1954). Лениндик сыйл. (1958) ж-а СССР мамл. сыйл. (1953) лауреаты.
Ленинград политех. ин-тун бүтүргөн (1926–29). 1947-жылдан Ленинград политех. ин-тунда проф. Негизги ил. изилдөөлөрү теор. ж-а колдонмо акустика, ядро физикасы, плазма физикасы, астрофизика ж. б. тармактарга арналган. Хим. элементтердин универсал микроанализ методун иштеп чыккан. РСФСР Жогорку Советинин (6–7-шайланышынын) депутаты. Эки Ленин, Эмгек Кызыл Туу ордендери ж-а медалдар м-н сыйланган.