КАМЫШАНОВКА
КАМЫША́НОВКА – Чүй облусунун Сокулук районундагы кыштак. Камышановка айыл округунун борбору. Деңиз деңгээлинен 555 м бийикте жайгашкан. Райондун борбору Сокулук кыштагынаннан 60 км түндүк тарапта. Шопоков темир жол бекетинен 65 км. Кыштак 1912-жылы негизделген. Калкы 1740 (2007); негизинен мал м-н алектенип, жашылча өстүрүүдө эмгектенет. Орто мектеп, ФАП, бала бакча, клуб, китепкана, ашкана бар. Улуу Ата Мекендик согушта курман болгондорго эстелик тургузулган.