ВАНТ-ГОФФ ЭРЕЖЕСИ

ВАНТ-ГОФФ ЭРЕЖЕСИ – химиялык реакциянын ылдамдыгынын температурага көз карандылыгын мүнөздөөчү эреже. Ал боюнча температура 10°Сге жогорулаганда химиялык реакциянын ылдамдыгы болжол менен 2–4 эсеге көбөйөт. Ошондуктан көпчүлүк химиялык реакциялар жогорку температурада жүргүзүлөт. Бул эрежени голландиялык физик-химик Вант-Гофф ачкан. Химиялык реакциянын ылдамдык константасынын температурага болгон көз карандылыгынын тагыраак теӊдемесин А. С. Аррениус сунуштаган.