КАРШИ ТАЛААСЫ
КАРШИ́ ТАЛААСЫ – О. Азиянынын түштүгүндөгү (Өзбек Респ-ндагы) күдүрлүү түздүк, Кашка-Дарыя обл-нда. Чыгышынан Заравшан ж-а Ысар кырка тоолорунун этектери, батышынан Сандык кумдуу чөлү м-н чектешет. Бийикт. 600 мге чейин. Климаты кургак, жылдык жаанчачыны 200–400 мм. Кашка-Дарыя ж-а Карши сугат каналы м-н сугарылат. Шыбак-баялыштуу өсүмдүктөр басымдуу. Дан эгиндер, пахта эгилет. Чыгыш бөлүгүндө Карши ш. жайгашкан.