КАРЕЛ МОЙНОГУ
КАРЕ́Л МОЙНОГУ Балтика деңизинин Финн булуңу м-н Ладога көлүнүн аралыгындагы кургактыктын кууш тилкеси. Бийикт. 50 мге чейин, эң бийик жери 205 м (Лембола дөңсөөсү). Түн. жагы гранит, гнейс тоо тектеринен, борб. бөлүгү ж-а түштүгү мөңгүнүн шиленди тектеринен турат. Мөңгүнүн аракетинен пайда болгон жалчалуу рельеф басымдуу. Вуокса д. кесип өтөт; көлдөрү көп. Ийне жалбырактуу токой (карагай, кызыл карагай), Линдула мырза карагай токою (1738-ж. кеме курууга пайдалануу үчүн отургузулган). Мойнокто Выборг, Приозёрск, Всеволожск ш., Финн булуңунун жээгинде Сестрорецк, Зеленогорск ж. б. курорттук шаарлар орун алган. К. м-нун көп жери В. И. Лениндин турмушу ж-а ишмердиги м-н байланыштуу. Мойнок 9-к-дын аягынан Русь аймагынын бир бөлүгү болгон. 17-к-дын башталышында Швеция тартып алган. 1721-ж. Россияга өткөн. 1918–40-ж. басымдуу бөлүгү Финляндияга караган. 1940-жылдан Россия Федерациясына таандык. Жөө жүрүү, лыжа ж-а суу туризми өнүккөн.