КАРАКОЛ 6
КАРАКОЛ – Ысык-Көл обл-нун Ак-Суу р-нундагы кыштак. Каракол айыл округуна караштуу. Жыргалаң суусунун төм. агымынын оң жээгинде, деңиз деңг. 1740 м бийикте жайгашкан. Райондун борбору Каракол ш-нан 26 км түн. тарапта. Балыкчы т. ж. бекетинен 220 км. Калкы 1676 (2007); мал м-н алектенип, тоют өсүмдүктөрүн өстүрөт. Орто мектеп, китепкана, мад-т үйү, оорукана, дарыкана бар. Турмуш-тиричилик кызматынын бөлүмдөрү, соода түйүндөрү, үй-бүлөлүк врачтар тобу иштейт. Улуу Ата Мекендик согушта курман болгондорго эстелик тургузулган.