КЫЛ КАЛЕМ
КЫЛ КАЛЕМ (кисть) – сүрөт тартууда пайдаланылуучу жабдык. Катуу кылдуу К. к. (жылкы ж. б. жаныбарлардын жал-куйругунан жасалат) көбүнчө май боёк м-н тартууда– узун кылдуусу желим живописи м-н фрескада– ал эми жумуру учталган жумшак кылдуу (тыйын чычкан, кашкулак ж. б-дын жүнүнөн) К. акварель, темпера ж-а графикада колдонулат. Кызыл күзөндүн кылынан жасалган жумшак ж-а ийкемдүү К. к. ар түркүн боёк үчүн жарамдуу.