КИКОИН
КИКО́ИН Исаак Константинович [15 (28). 3. 1908,
азыркы Литва, Жагаре – 28. 12. 1984, Москва] – орус физиги. СССР ИАнын академиги (1953;
корр. мүчөсү, 1943), Соц. Эмг. Баатыры (1951, 1978). Лениндик (1959) ж-а СССР мамл. сыйл. (1942, 1949, 1951, 1953, 1967, 1980) лауреаты.
Ленинград политех. ин-тун бүтүргөн (1930). Ленингад физ.-тех. ин-тунда, Свердловск металл физикасы ин-тунда (1936), Атом энергия ин-тунда (1943) иштеген. Москва инж. ин-тунун (1944- жылдан), МГУнун (1955-жылдан) проф. Негизги ил. эмгектери атом физикасы м-н техникасына ж-а катуу заттардын физикасына арналган. Куб түрүндөгү кристаллдардын анизотроптуу фотомагниттик эффектилерин изилдеп, Кикоин – Носков эффектисин ачкан (1933). Суюк
металлдардагы Холл эффектисине жогорку
өткөргүчтүктөгү гидромагниттик эффектиге байланыштуу өлчөөлөрдү жүргүзгөн. К.– физика
б-ча орто мектеп үчүн окуу китептеринин ж-а программалардын автору. «Квант» журналынын башкы редактору (1970-жылдан). Жети Ленин ж. б. орден ж-а медалдар м-н сыйланган.
Ад.: И. К. Кикоин: воспоминания современников / Под ред. Н. Н. Пономарёва-Степного. 2-е изд. М., 1998.