КИКОИН

КИКО́ИН Исаак Константинович [15 (28). 3. 1908, азыркы Литва, Жагаре – 28. 12. 1984, Моск­ва] – орус физиги. СССР ИАнын академиги (1953; корреспондент-мүчөсү, 1943), Социалисттик Эмгектин Баатыры (1951, 1978). Лениндик (1959) ж-а СССР мамлекеттик сыйлыктарынын (1942, 1949, 1951, 1953, 1967, 1980) лауреаты.
Ленинград политехникалык институтун бүтүргөн (1930). Ле­нингад физикалык-техникалык институтунда, Свердловск металл физикасы институтунда (1936), атом энергия институтун­да (1943) иштеген. Москва инженердик институтунун (1944- жылдан), МГУнун (1955-жылдан) профессору. Негиз­ги илимий эмгектери атом физикасы м-н техника­сына ж-а катуу заттардын физикасына арнал­ган. Куб түрүндөгү кристаллдардын анизотроп­туу фотомагниттик эффектилерин изилдеп, Ки­коин – Носков эффектисин ачкан (1933). Суюк металлдардагы Холл эффектисине жогорку өткөргүчтүктөгү гидромагниттик эффектиге бай­ланыштуу өлчөөлөрдү жүргүзгөн. Кикоин– физика боюнча орто мектеп үчүн окуу китептеринин ж-а программалардын автору. «Квант» журналынын башкы редактору (1970-жылдан). Жети Ленин ж. б. орден ж-а медалдар м-н сыйланган.

Ад.: И. К. Кикоин: воспоминания современников / Под ред. Н. Н. Пономарёва-Степного. 2-е изд. М., 1998.