КЕМИН РАЙОНУ
КЕМИН РАЙОНУ – Чүй обл-ндагы адм. бирдик. 1936-ж. уюшулган. Чоң Кемин, Кичи Ке- мин өрөөндөрүн, Чүй өрөөнүнүн чыгыш бөлүгүн м
иң т, С
ээлейт. Түндүгүнөн Казакстан, батышынан Чүй
р-ну, түштүгүнөн Нарын, түш.-чыгышынан Ысык-Көл обл. м-н чектешет. Аймагы батыштан чыгышка 170 кмге, түндүктөн түштүккө 13 кмге созулуп жатат. Аянты 3,5 миң км2. Калкы 44,2 миң (2009). Райондо 4 шаарча (Ак-Түз, Борду, Кемин, Орловка), 10 айыл округу, 33 кыштак
бар. Борбору – Кемин (Быстровка) шаарчасы.
Райондун батышы түзөң (деңиз деңг. 1000–
1600 м бийикте), чыгышы тоолуу. Түш.-баты-
шында Окторкой тоосу, Байбиченин соорусу, Көк-Жар тоосу жайгашкан. Түн.-чыгышында Кичи ж-а Чоң Кемин өрөөндөрү, Кемин тоосу (бийикт. 3900 м чейин), Күнгөй Ала-Тоо (4770 м,
Чоктал чокусу), Боом капчыгайы, түндүгүндө
Иле Ала-Тоосу (Кемин чегиндеги эң бийик жери 4612 м, Ак-Кум чокусу) бар. Райондун чыгышы Кемин-Челек тоо тоомуна барып такалат. Кен байлыктары сейрек кездешүүчү металлдар: коргошун, цинк (Ак-Түз), алтын (Камоо-Төр, Талды-Булак, Далпраң), висмут (Кара-Булак), акиташ теги, мрамор, гранит ж. б. Климаты континенттик, кышы суугураак, жайы салкын. Январдын орт. темп-расы –5––10°С, июлдуку 17–
18°С. Жылдык жаан-чачыны 300 ммден (өрөөндөрдө) 600–700 ммге (тоолордо) чейин. Тоолуу
бөлүгүндө бийиктеген сайын климаты өзгөрөт. Ири суулары: Чүй, Чоң Кемин, Кичи Кемин, Бейшеке, Кызыл-Суу ж. б. Райондун түндүгүнөн
Чоң Чүй каналы башталат. Ири көлдөрү: Чоң Көл-Төр (уз. 600–700 м, туурасы 400–500 м),
Жаңы-Көл, Кош-Көл, Челек ж. б. Ландшафты бийиктик алкактуулук б-ча өзгөрөт: жарым
чөлдүү кургак талаа (1200–1900 м), шалбаалуу
талаа (1900–2100 м), токой, субальп (2600–
3200 м), альп (3100–3900 м), гляциалдык-нивалдык (3800 мден жогору) алкактары. Дыйканчылык зоналары негизинен ачык күрөң, күрөң, кара күрөң топурактуу. Токой 37,2 миң га аянтты ээлейт. Райондо Чоң Кемин улуттук жаратылыш паркы уюшулган.
Калкынын көбү кыргыздар, андан тышкары орус, украин, казак, өзбек, дунган ж. б. 20дан ашуун улут өкүлдөрү жашайт. Орт. жыштыгы 1 км2 жерге 15 (облуста 38) киши туура келет. Калкынын 40,3%и (21,1 миң) шаардыктар, 59,7%ин (31,2 миң) элеттиктер түзөт. Эмгекке жарамдуу (35,2% же 18,7 миң адам) калктын 11,9 миңи а. ч-да, 6,6 миңи ө. ж-да иштейт.
Райондун чарбасынын негизги тармагы –
айыл чарбасы. Негизинен мал чарбасына (уяң ж-а чала уяң жүндүү кой, сүт-эт багытындагы
уй ж. б.) адистешкен. Жылкы чарбасы – мал
чарбасынын кошумча тармагы. Райондо 10 ирилештирилген а. ч. кооперациясы, 34 бирикме дыйкан чарбалары, 1800 майда жеке дыйкан чарбалары бар. Райондо 12,1 миң уй (сааны 6,9 миң), 34,4 миң кой-эчки, 1,9 миң чочко, 6,3 миң
жылкы бар. Райондун а. ч-га жарактуу жери 205 миң га, анын 28,1 миң гасы айдоо жер, 6,2 миң гасы табигый чабынды, 173,6 миң га жайыт ж. б. Дан эгиндери (12 миң га), тоют
өсүмдүктөрү (12,7 миң га), картөшкө (900 га)
ж. б. эгилет. Кемин р-нунда 9 ө. ж. ишканасы бар. Алардын ирилери: Кыргыз-Тоо металлургия комбинаты, Кемин линолеум, акиташ з-ддору ж. б. Райондун аймагы аркылуу Чалдыбар –
Бишкек – Балыкчы темир ж-а автомобиль жолдору өтүп, Кемин – Жел-Арык, Кыз-Күйөө т. ж.
бекеттери иштейт.
Райондо 30 жалпы билим берүүчү орто мектеп, 33 бала бакча, 2 кесиптик-тех. окуу жайы, райондук борборлоштурулган китепкана, анын 30 филиалы, 22 клуб мекемелери, 6 оорукана ж-а 7 бейтапкана бар. Райондун айылдарында 6 базар (анын бирөө мал базар) иштейт. «Эмгек жарчысы» гезити чыгат. Райондун аймагындагы Чоң Кемин өрөөнү, андагы Көк-Ойрок жайлоосу, Боом ж. б. капчыгайлары кооз; туризм, о. эле альпинизмди өнүктүрүүгө зор мүмкүнчүлүктөр бар.
А. Мырзаев.