КЕБЕКОВА
КЕБЕКОВА Батма (15. 6. 1935-ж. т., Чүй обл., Кемин р-ну, Чоң-Кемин айылы) – фольклор изилдөөчү, КРдин илим ж-а техника жаатындагы мамл. сыйл. лауреаты (2004), КРдин мадтына эмг. сиң. ишмер (1995), филология илимд. кандидаты (1964). Фрунзе ш-ндагы В. В. Маяковский атн. Кыргыз кыз-келиндер педин-тун бүткөн (1954). КМУда аспирант (1954–57), окутуучу (1957–58), Кыргыз ССР ИАнын Тил ж-а адабият ин-тунда кенже ил. кызматкер (1958– 65), улук ил. кызматкер (1966–86), жетектөөчү ил. кызматкер (1986–90), 1990-жылдан бөлүм башчы. «Кыргыз, казак фольклордук байланышы» (1982) деген монографиянын, «–Курманбек– эпосунун варианттары» (1961), «Эр Табылды эпосунун идеялык багыты жана көркөмдүк өзгөчөлүгү» (1963), «Кедейкан эпосунун идеясы жана көркөмдүк өзгөчөлүгү» (1964), «Кыргыз совет аңгеме жанрынын өсүш жолдору» (1967), «Кыргыз, казак акындар чыгармачылыгынын байланышы» (1985), «Кыргыз эл ырлары» (1994), «Кыргыз элинин каада-салт ырлары» (2001) ж. б. ил. эмгектердин автору.