КВАРЦ

КВАРЦ – тоо тек пайда кылуучу эң кеңири та­ралган минерал.

Хим. формуласы SiO₂. Гекса­гон ж-а тригон системасында кристаллданат.
Өңү-түсү ар түрдүү. Көбүнчө түссүз, тунук, ак, сүттөй ак, боз, бо­зомук каралжын, кызгылтым ж. б. Түссүз тунук тү­рү – тоо хруста­л ы, к ызгыл т ым көгүшү – аметист, тунук эмес бозом­тугу – раухтопаз, каралжын түстүү­сү – морион, алтын сыяктанган саргычы цит­рин деп аталат. Курамында киринди түрдө ак­тинолит же хлорит кездешсе, жашыл түскө өтүп кетет. Аны празем, слюда же гематит болсо – авантюрин, кристаллсыз түзүлүштөгү түрлөрү – агат же халцедон деп аталат. Бардыгы айнек­тей жалтырайт. Катуулугу Моос шкаласы б-ча 7. С. салм. 2,65. Гидротерм процессинде кенташ та­рамдарын пайда кылат. Радиотехника, акусти­ка, оптикада, карапа м-н айнек жасоодо, кооз таш катары зергерликте, курулушта колдонулат.