КАШКУЛАК
КАШКУЛАК (Meles meles) – суусарлар тукумундагы сүт эмүүчү.
Дене уз. 60–90 см, куйругу 12 –
24 см. Жону, капталы боз, боору каралжын. Башынын эки жагында тумшугунан кулактарын көздөй кара жолчолор кетет. Буттары кыска, манжалары узунураак, тырмагы чоң, ийилип турат. Евразия токойлорунда, жарым чөлдө кездешет. Кырг-нда да бар. Ийинде жашайт.
Суук аймактарда кышкысын чээнге кирет. 1–6
бала тууйт. К. майда кемирүүчүлөр, бака, кескелдирик, омурткасыздар, өсүмдүк тамыр-сабагы, мөмө, жаңгак, козу карын ж. б. м-н ылгабай азыктанат. Майы дары катары керектелет.