КАТЛА
КА́ТЛА – Исландиянын түштүгүндөгү өчө элек эң чоң жанартоо. Бийикт. 970 м. Кальдерасынын диаметри 10 км. Дүйнөдөгү эң ири Мюрдальсйёкюдль муздугунун түш.-чыгыш бөлүгү м-н жабылып турат. 10-к-дан бери 14 жолу катуу атылуулар, акыркысы 1918-ж. болгон. Муздук астында атылуу музду ургаалдуу эритип, суу ташкындап, жээкти суу басып калууга алып келет. Ошондуктан бул жанартоо Исландия үчүн дайыма коркунучтуу. Кийинки учурда К-нын активдешүүсү байкалууда.