КАРТЫК
КАРТЫК – кыргыз табыптарынын аспабы. Уйдун же топоздун мүйүзүнүн учунан жасалган. Таарылып алынган мүйүздүн көңдөйү тазаланып, ичке учу дагы таарылып, тегизделип жана жылмаланып, көзөнөгү тазаланган. Картык суук тийген (жел турган) жерге оңко (медициналык айнек банка) сыяктуу коюлган; ооруган жерге картыктын жоон учун коюп, ичке учунан абаны сордуруу жолу менен дөмпөйтүп, устара менен чегип кан алуу үчүн да колдонулган.