КАРТИНГ
КА́РТИНГ (англ. carting, cart – арабача дегенден) – карт м-н спорттук жарышуу; жарыш өтүүчү атайын аянт. К-дин жолу көп сандагы ар кандай өлчөмдөгү оң ж-а сол бурулуштардан турган татаал конфигурацияларды камтыйт. Алардын уз. эл аралык автомобиль федерациясынын талаптарына ылайык 400 мден 1200 мге чейин, туурасы 6 мден 10 мге чейин, түз бөлүгүнүн уз. 100 мге чейин болот. К-дин спорттук жарыштары эл аралык формула, эл аралык, улуттук ж-а спортту сүйүүчүлөр класстарына бөлүнөт. К-де башка автомобиль жарыштары сыяктуу жол көрсөтүүчү желектер колдонулат. Алар түсүнө карата айрым белгилерди көрсөтүшөт. Мис., чакмактуусу жарыштын аягын, кызыл түстөгүсү жарыштын токтошун, сарысы коркунуч туулушун ж. б. билдирет. 2007-жылдан К-тин KF1– KF4, KZ1, KZ2 жаңы класс системалары б-ча дүйнөлүк чемпионат өтүүдө. О. эле мурдакы «Суперкарт», «Формула-А», «Интерконтиненталь-А», «Эл аралык формула», «Ротакс-макс» ж. б. түрлөрү б-ча эл аралык ж-а Кырг-нда К. сүйүүчүлөрдүн мелдештери өтүп турат, к. Автомобиль спорту.