КАРАКОЛ (Ак-Суу районунун аймагы аркылуу аккан суу)

КАРАКОЛ – Ак-Суу р-нунун аймагы аркылуу аккан суу. Тескей Ала-Тоонун түн. капталынан башталып, Ысык-Көлгө куят. Уз. 50 км, алабы­нын аянты 394 км². Башталышында мөңгүлүү, ортоңку бөлүгүндө карагайлуу капчыгай, аягын­да кенен түздүк аркылуу агат. Негизги куйма­сы – Кашка-Суу. Мындан тышкары алабында жалпы уз. 93 км келген 27 куймасы, жалпы аянты 0,99 км² болгон 4 көл бар. Алардын эң чоңу Ала-Көл (аянты 0,84 км²). Көп жылдык орт. чыгымы 6,60 м³/сек; эң көбү 57,6 м³/сек, эң азы 0,38 м³/сек. Апрелдин аягында көбөйө баштап, июль–августта кирет, сентябрдын

Каракол суусунун ортоңку агымы.

аягында тартылат. Сугатка кеңири пайдаланы­лып, айыл-кыштактарды суу м-н камсыз кы­лат. Боюнан Каракол ш., Челпек, Бөрү-Баш, Бурма-Суу ж. б. кыш. орун алган.