КАРА-БАК ЦЕЛЕСТИН КЕНИ
КАРА-БАК ЦЕЛЕСТИ́Н КЕНИ Баткен р-нунда, Баткен ш-нан 8 км түн.-чыгышта, деңиз деңг. 800–890 м бийикте. 1959-ж. чалгындалган. Целестин кенташы акыркы бор мезгилиндеги кумдук ж-а чопо тектеринин арасында жатат. Кенташтын тулкусу 1600 мге созулуп, калыңдыгы 0,15–1,15 м болгон 4 катмарчадан турат. Кен эки типтеги кенташтан – желвак ж-а чачыранды түрдө кездешет. Биринчи типтеги кенташта целестиндин өлчөмү 66,3%, экинчисинде – 2,66%. Кенташ тулкусундагы целестиндин орт. өлчөмү 6,15%. Технол. изилдөөлөрдүн негизинде целестиндин өлчөмү 86,7%ке жеткен аралашма алынары аныкталган. Целестиндин запасы: В категориясы б-ча – 2,6 миң т ; С – 20,9 миң т ; С2 – 93,7 миң т.