ЗЁЙДЕР-ЗЕ БУЛУҢУ
ЗЁЙДЕР-ЗЕ БУЛУҢУ (голландча Zuiderzee – «Түштүк деңиз» деген мааниде) – Түндүк деңиздеги булуң. Нидерланддын жээгинде. Батыш Фриз аралы аркылуу деңизден бөлүнөт. Булуң 1282-жылы кургактык чөгүп, аны суу жайпап калышынан пайда болгон. Жээктери түзөң, саздуу, плотина ж-а тосмо м-н бекемделген. Зёйдер - Зе булуңу шлюз тосмо аркылуу Вадден-Зе (түндүк бөлүгү) ж-а Эйсселмер (түштүк) булуңдарына бөлүнөт. Тереңдиги 3–4 м, кеме жүрчү жери 8–24 м. Ташкындоонун бийиктиги 1,4–1,9 м. Ири порту – Амстердам.