КРИСТАЛЛДАШУУ

КРИСТАЛЛДАШУУ – буу, эритме же аморф­тук заттан кристаллдын пайда болуу процесси. Кристаллдашуу минералдын, муздун пайда болушун анык­тайт, атмосфералык кубулуштарда, тирүү организмде (мисалы, тиш эмалынын пайда болушу) чоң маа­ниге ээ. Зат кандайдыр белгилүү бир чектик шартка жеткен учурда гана кристаллдашуу башталат, мисалы , заттын эрүү температурасын азайтканда же бууну өтө каныктырганда көз ирмем убакытта эле көптөгөн майда кристаллчалар, башкача айтканда кристаллдашуунун бор­бору пайда болот. Кристаллчалар суюктуктан же буудан улам жаңы атомдорду же молекула­ларды өзүнө бириктирип чоңоёт. Кристаллдын грандары катмарланып өсөт, атомдук катмар­дын толук өсүп бүтпөгөн учу өсүү учурунда гран­ды бойлоп жылат. Өсүш ылдамдыгынынкристаллдашуунун шарттарына көз карандылыгы өскөн кристалл­дын түзүлүшүнүн жана формасынын ар түрдүү (көп грандуу, пластикалуу, ийнелүү, дендрит, скелет ж. б.) болушуна алып келет. Кристаллдашусунда ар кандай кемтиктер сөзсүз пайда болот.