КӨЙКАП МӨҢГҮСҮ

КӨЙКАП МӨҢГҮСҮ – Борб. Теңир-Тоодогу бу­тактанган өрөөн тибиндеги мөңгү. Какшаал кыр­ка тоосуна Кайыңды кырка тоосу тутумдашкан жерде, Теректи өрөөнүнүн төрүндө жайгашкан. Уз. 12,9 км. Альпинист мөңгүсүнөн жогорку бөлүгү 1,6 км, туурасы 1,0 км, Аянты 13,4 км². Калыңдыгы 150–180 м. Мөңгүнүн башы деңиз деңг. 5890 м, этеги 3380 м бийикте жатат. Кар чегинин бийикт. 4100 м. Абляциясынын аян­ты 4,8 км². Куралуу аймагы түштүгүнөн Боз- Кыр, чыгышынан Эңилчек, түндүгүнөн Кайың­ды кырка тоолору м-н курчалат. Фирн бассей­ни кенен төрдө жайгашкан. Кайкы аркылуу Ком­сомол мөңгүсү м-н туташат. Мөңгүнүн төмөнкү бөлүгүндө жаракалар көп. Сол капталдан жүргөн кар көчкүлөр жаракаларды жаап турат. Мөңгүнү алгач 1902- ж-а 1903-ж. немис географы Г. Мерц­бахер картага түшүргөн. Этеги шагыл таштар м-н корумдалган (1,5 км²дей жери). Мөңгүдөн Теректи суусу башталат. Мөңгү тартылууда. Мез­гили м-н алдыга жылып кетүүчү мөңгүлөргө кирет.