КАРА-СУУ КВАРЦ КУМУ КЕНИ

КАРА-СУУ КВАРЦ КУМУ КЕНИ Баткен обл-нун Лейлек р-нунда, Исфана ш-нан 5 км түн.-чыгышта, деңиз деңг. 1147–1355 м бийик­те. 1993–94-ж. Түш. Кыргыз геол. экспедициясы чалгындаган. Кен аймагы палеозой, палеоген, төртүнчүлүк системаларынын карбонат-терриген катмарларынан турат. Кварц куму палеоген­деги сузак катмарчасы м-н байланышып, үч кабатка бөлүнгөн. Кумдун орт. калыңдыгы 25,05 м. Кум ылгоодон кийин айнек идиш, бөтөлкө, изолятор, түтүкчө, такта айнек жа­соого ж-а айнек кебезин өндүрүүгө жарамдуу.
Запасы В категориясы б-ча 1494 миң т, С₁ – 5380 миң т.