КАРА-БУЛУҢ ЖАРЫМ АРАЛЫ

КАРА-БУЛУҢ ЖАРЫМ АРАЛЫ Ысык-Көлдүн түш.-чыгышында. Жети-Өгүз р-нунун аймагын­да. Батышындагы Кара-Булуң тумшугунан чы­гышындагы Чоң Оргочор тоосуна чейин 12 кмден ашык аралыкка созулат. Туурасы 1,5–9 км. Абс. бийикт. 1606–1750 м. Төмөнкү төртүнчүлүк мез­гилде пайда болгон тектирлерден турган тай­пак түздүк; бети чыбыр, күдүрлүү (кумдуу жал­дар, дөбө, чуңкур жерлер ж. б.). Эң бийик жери Кичи Оргочор тоосу (1751 м), андан түштүктү, түш.-батышт ы к өздөй эңк ейишт еп кетет. Төртүнчүлүк мезгилде пайда болуу мезгили б-ча көлдүк-тектирлүү түздүк үч геоморфол. деңгээл­ге бөлүнөт. Эң бийик жери (биринчи деңгээл) – үстүнкү плейстоцендик тектир; жарым аралдын борб. ж-а чыгыш жагын ээлейт. Бети өтө бу­дурлуу. Көбү айдоо. Экинчи деңгээл – голоцен­дик тектир, плейстоцендик тектирден 5–10 м төмөн жатат; экөөнүн чеги – жарлуу кашат.
Көбүнчө байыркы жээктик жал, сайроон, кум шилендилеринен турат. Ортолору тегиз, такыр; негизги өсүмдүктөрү чекенди, шыбак ж. б. Тек­тирдин көлгө жакын жерлерин чычырканак, камыш баскан. Үчүнчү өтө жапыз деңгээл – азыр­кы тектир, ж. а-дын жээгинен орун алган; жалаң кумдан турат, бети будур: 1–2 м бийиктеги жал­ча, сайроондор ар кандай ичке, майда булуң­буйткалар (лагуналар), сайроондор (бийикт. 8– 10 м) м-н тосулган эски (реликт) көлдөр да бар. Тектирлер ачык коңур, түн.-батыш жээктери шалбаа ж-а шалбаалуу саз, айрым жерлери шор топурактуу. Талаа ж-а сейрек бадал өсүмдүктөрү басымдуу. Жарым аралдын жээктери аккуму­ляциялык кумдан турат, Кара-Булуң тумшугу лагуналуу, мында кумдук такталар да бар. Кум­дуу пляждар кеңири аянтты ээлейт. Жээктеринде чычырканак, булуң-буйткаларда камыш өсөт.
Көп жерине кара жыгач, жийде, өрүк отургу­зулган. Экол. абалы начарлоодо.