КАРА-АЛМА МАРГАНЕЦ КЕНИ

КАРА-АЛМА МА́РГАНЕЦ КЕНИ Жалал-Абад обл-нун Сузак р-нунда, Жалал-Абад ш-нан 50 км түн.-чыгышта. Фергана тоо тизмегинин түш.-батыш этегиндеги Кара-Алма суусунун ала­бында жайгашкан. 1937-ж. табылып, 1942-ж. чалгындалган. Кен чөкмө түрдө пайда болуп, бор мезгилинин кумдук катмарында топтолгон. Ал негизинен кварц-марганецтүү кумдук, чанда кумдуктуу марганец конкрецияларынын кабат­чалары м-н линзаларынан турат. Марганецтин кенташтагы орт. өлчөмү 6,0%. Негизги минера­лы пиролюзит. Марганецтин запасы: С₁ катего­риясы б-ча С₁– 11,458 миң т, С₂– 17,665 миң т. С₁+ +С₂ – 29,118 миң т.