КАРА-АЛМА МАРГАНЕЦ КЕНИ

КАРА-АЛМА МА́РГАНЕЦ КЕНИ Жалал-Абад облусунун Сузак районунда, Жалал-Абад шаарынан 50 км түндүк-чыгышта. Фергана тоо тизмегинин түштүк-батыш этегиндеги Кара-Алма суусунун ала­бында жайгашкан. 1937-жылы табылып, 1942-жылы чалгындалган. Кен чөкмө түрдө пайда болуп, бор мезгилинин кумдук катмарында топтолгон. Ал негизинен кварц-марганецтүү кумдук, чанда кумдуктуу марганец конкрецияларынын кабат­чалары м-н линзаларынан турат. Марганецтин кенташтагы орточо өлчөмү 6,0%. Негизги минера­лы пиролюзит. Марганецтин запасы: С₁ катего­риясы б-ча С₁– 11,458 миң т, С₂– 17,665 миң т, С₁+ +С₂ – 29,118 миң т.