ИНТРАЗОНАЛУУЛУК

ИНТРАЗОНАЛУУЛУК (лат. intra – ичинде ж-а гр. zone – алкак, зона) – бир жаратылыш зонасынын ичиндеги (аймагындагы) ар түрдүү (жерг.) геосистемалардын калыптанышы. Мис., тайгадагы же тундрадагы мамык чөптүү саз, талаа зонасындагы шор баскан аянтчалар ж. б. Алар түрдүү өзгөчө шарттардын (ашыкча ным­дуулуктун, тоо тектердин өзгөчөлүктөрдүн) на­тыйжасында пайда болуп, ал зонага мүнөздүү ландшафттардан ээлеген аянттары б-ча кыйла чакан келет. «И.» термини негизинен топурак кыртышына ж-а өсүмдүктөрүнө, ландшафтынын морфол. түзүлүшүнө карата колдонулат.