КАТАЕВ

КАТА́ЕВ Валентин Петрович [16 (28). 1. 1897, Одесса – 12. 4. 1986, Москва] – орус жазуучусу, Социалисттик Эмгектин Баатыры (1974). Чыгармачылыгы 1910-жыл­дан башталган. 1926–28-жылдарда «Ысырапкорлор» по­вестин, «Ар кандай чечилбес иш» комедиясын жазган. 1932–45-жылдарда аны чебер прозачы катары дүйнөгө тааныткан «Убакыт, алга», «Бүлбүл­дөйт жалгыз жел кайык», «Полктун уулу» (1946, СССР мамлекеттик сыйлыгы) аттуу чыгармаларын жарат­кан. Катаев «Касиеттүү кудук» (1967), «Кубик» (1969) аттуу мемуардык повесттердин ж-а «Ду­балдагы кичинекей темир каалга» (1964), «Унут­каруу чөбү» (1967), «Алмаздуу шөкүлөм» (1978) аттуу публицистикалык повесттердин автору. Анын айрым чыгармаларын кыргыз тилине А. Алдашев, К. Эшмамбетов, К. Алиев, Р. Сулайманкулов, Ш. Шамурзаев ж. б. которгон. Үч Ленин орде­ни м-н сыйланган.