КЕРИМЖАНОВА

КЕРИМЖАНОВА Бүбү (1920, Ысык-Көл облусу, Ак-Суу району, Бөрү-Баш айылы – 1994, Бишкек) – ад

абиятчы, сынчы, филология илимдеринин канди­даты (1950), Кыргыз ССР ИАнын корреспондент-мүчөсү (1954). Жумушчулар факультетин (рабфак, 1937), КМПИнин тил ж-а адабият факультетин бүтүргөн (1941). Кыргыз ССР ИАнын тил, адабият ин-ститутунда илимий кызмат­кер (1947–50), сектор баш­чысы (1950–76), 1976-жыл­дан илимий кызматкер болуп иштеген. Керимжанованын «Акындын чыгармачылык жолу» (1960), «Семетей жана Сей­тек» (1961, орус тилинде), «Кыргыз ыр түзүлүшүнүн кээ бир маселелери» (1964), «Кыргыз поэзиясынын көркөм сөз каражатта­ры» (1968) эмгектеринде кыргыз жазуучулары­нын чыгармачылыгы, кыргыз адабиятынын өсүш тары­хына ж-а көркөм табиятына тийиштүү маселе­лер изилденген. Керимжанова – «Орто кылымдан бүгүнкү прогресстин сересине карай» (1965), «Улуу Ок­тябрь социалисттик революциясы жана дүйнө­лүк адабият» (1970), «Кыргыз совет адабиятынын тарыхы» (1970), алты томдон турган «Көп улут­туу совет адабиятынын тарыхы» (1970–74) ж. б. эмгектердин авторлорунун бири. 10-класс үчүн «Кыргыз совет адабияты» окуу китебин түзүүгө катышкан. Керимжанова – 40тай илимий эмгектин, 100дөн ашуун илимий макаланын автору. Эмгек Кызыл Туу, «Ардак Белгиси» ордендери м-н сыйланган.