КЫРГЫЗ АКАДЕМИЯЛЫК КАМЕРАЛЫК ХОРУ барагынын баштапкы кодун көрүү

<b type='title'>КЫРГЫЗ АКАДЕМИЯЛЫК КАМЕРАЛЫК ХОРУ</b> – 1974-жылы Кыргыз ССР Телерадиокомитетинин алдында Министрлер Советинин чечими менен уюшулган. Алгачкы жетекчиси К. <i>Алиев.</i> Хордун репертуары жергиликтүү жана чет өлкөлүк ком&shy;позиторлордун (В. Моцарт, Ж. Верди, С. Танеев, С. Рахманинов, М. Абдраев, К. Молдобасанов, Н. Давлесов, С. Юсупов жана башкалар) классикалык чыгармаларынан (хорлор, кантаталар, реквиемдер) түзүлгөн.

[[File:КЫРГЫЗ АКАДЕМИЯЛЫК КАМЕРАЛЫК ХОРУ59.png | thumb | Кыргыз академиялык камералык хору. 2010-жыл.]]Коомдук телерадиокорпорациясынын алтын казынасында хордун аткаруусунда 500дөн ашык чыгарма бар. Хор конкурстарга, фестивал&shy;дарга катышып турат. Кыргыз элинин классик композиторлору А. <i>Малдыбаев</i>, М. <i>Абдраев</i>, К. <i>Молдобасанов</i>, Н. <i>Давлесов</i>, А. <i>Жаныбеков</i>, С. <i>Осмонов</i>, Э. <i>Жумабаев</i>, А. Жээнбаев, С. Айти&shy;кеев жана башкалардын чыгармалары; элдик ырлар жана М. Баетов, А. Огомбаев, Ж. <i>Шералиев</i>, Р. <i>Аб&shy;дыкадыров</i>, А. <i>Атабаев</i>, К. <i>Тагаев</i> жана башка обончулардын үлгүлүү ырлары хор жана а`капелла үчүн иштелип чыккан. Хордо жогорку квалифика&shy;циялуу В. Базылбекова, К. Исмаилова, З. Тоя&shy;лиева, О. Жапаров, Ч. Дүйшөналиев, С. Урманбетова, Б. Ыбыкеев сыяктуу ырчылар эмгектенишкен. Камералык хор Ленин комсомолу сыйлыгынын (1978), Казакстанда өткөн хор искусствосу боюнча эл аралык конкурстун (2007) лауреаты. 2008-жылдан азыркы Кыргыз Республикасынын Маданият жана туризм министрлигине караштуу. Жетекчилери: В. Д. Гумбин (1976–1991, 1999–2001), К. Нурматов (1992–1994), кыргыз аялдарынан чыккан туңгуч дирижёр Г. Маматова 2001-жылдан.
[[Категория:4-том, 657-736 бб]]