КЕС-СЕҢИР барагынын баштапкы кодун көрүү

<b type='title'>КЕС-СЕҢИР</b> – Күнгөй Ала-Тоонун түштүк этегин&shy;де Ысык-Көлгө эңкейиш кыр, көлгө кирип тур&shy;ган тумшук. Ысык-Көлдүн түндүк жээгинин дал ортосунда, Чоң Сөгөттү ж-а Кичи Сөгөттү суу&shy;ларынын аралыгында жайгашкан. Узундугу 4 <i>км</i>, эң жазы жери 2,5 <i>км</i>, деңиз деңгээлинен 2000–1600 <i>м</i> би&shy;йикте. Жеринин бети аска-таштуу, капталда&shy;ры көбүнчө тик. Тикендүү майда бадалдар, чо&shy;гойно, шыраалжын ж. б. өсүмдүктөр өсөт. Не&shy;гизи силур, девондун граниттеринен, эки жагы олигоцен, миоцендин конгломерат, алевролит ж. б. тоо тектеринен турат. Көл жээгиндеги жолду тороп, жүргүнчүлөргө тоскоол болгондук&shy;тан, сеңирдин жапыз жерин оюп, кесип жол салынган. Бул кыр илгери эле Кес-Сеңир, ал эми жол&shy;дун өткөн жери Кескен-Бел аталган делет. Но&shy;мендин экөө тең 19-кылымдын 1-жарымында эле бол&shy;гон; 1856–60-жылдарда тартылган карталарда топоним Кессеңгир, Кесексеңгир, Кисенгыр, Ч. <i>Валиха&shy;новдун</i> эмгектеринде (1856–61) Керсенгир, Ки&shy;сенгыр түрүндө кезигет. Кес-Сеңир «Пришиб» деп да жазылып жүрөт. Почта тартуу, жол катнашы үчүн 1870–71-жылдарда Кес-Сеңирдин тумшугун жарып жол салынган.
[[Категория:4-том, 257-306 бб]]