«КЫРГЫЗ ЖАНА КЫРГЫЗСТАН ТАРЫХЫ БОЮНЧА ТАНДАЛМА ЭМГЕКТЕР» барагынын баштапкы кодун көрүү

<b type='title'>«КЫРГЫЗ ЖАНА КЫРГЫЗСТАН ТАРЫХЫ БОЮНЧА ТАНДАЛМА ЭМГЕКТЕР»</b> – белгилүү этнолог, түрколог С. М. [[Абрамзон]]дун эмгеги; автордун 1970-жылга чейин жарык көргөн эмгекте&shy;ринин жыйындысы. Китеп [[кыргыз тили]]не которулуп (которгондор – С. Мамбеталиев, Д. Сулайманкулов, С. Макенов), «[[Кыргыз Республикасы]]нда гуманитардык билим берүүнү өзгөртүү» программасынын талаптарына ылайык КРдин Билим берүү, илим жана маданият министрлиги менен бирдикте «[[Кыргызстан – Сорос]]» фонду тарабынан 1999-жылы чыккан. Эмгекте [[Ыргыз эли|кыргыз эли]]нин [[этнос]]тук тарыхынын, турмуш-тиричилигинин жана маданиятынын ар түрдүү жагдайларына таандык [[этнография]]лык, тарыхый маалыматтарды талдоонун жана корутундулоонун негизинде кыргыздар&shy;дын этностук жана маданий турпатынын кандай жол менен калыптанганы баяндалып, алардын [[Орто Азия]], [[Түштүк Сибирь]] жана [[Борбордук Азия]] элдери менен болгон этногенездик, тарыхый-маданий бай&shy;ланыштары изилденген. Эмгек 2 бөлүктөн туруп, биринчи бөлүгүндө негизинен кыргыздар жөнүндө тарыхый маалыматтар, алардын этногенетикалык жана тарыхый-маданий байланыштары, кыргыз элинин этностук тары&shy;хынын маселелери, негизги кесиптери, мате&shy;риалдык маданияты жана искусствосу, коомдук жана үй-&shy;бүлөлүк турмушу, оозеки поэтикалык чыгармачылыгы изилденген; экинчи бөлүгү кыргыздардын каа&shy;да-салты, этнографиялык маалыматтардагы этногенез маселелери, этностук курамы, этностук тары&shy;хын үйрөнүүдө элдик уламыштардын мааниси тууралуу изилдөөлөргө арналган. Эмгек кыргыз элинин 20-кылымдын ортосуна чейинки каада-салт, үрп-адат, маданиятын окуп-үйрөнүүдө баалуу эмгектердин бири болуп саналат.
[[Категория:4-том, 657-736 бб]]