КЫРГЫЗ РЕСПУБЛИКАСЫНЫН МАМЛЕКЕТТИК ТАРЫХ МУЗЕЙИ барагынын баштапкы кодун көрүү

<b type='title'>КЫРГЫЗ РЕСПУБЛИКАСЫНЫН МАМЛЕКЕТТИК ТАРЫХ МУЗЕЙИ</b> – Борб. Азиядагы ири
<i>музейдин</i> бири; 1925-ж. 9-декабрда уюшулуп, <i>Кыргыз АССР Советтеринин 1-уюштуруу съездине</i> карата (5. 3. 1927) ачылган. Алгач М. В. <i>Фрунзе</i> туулуп өскөн үйдүн бир бөлмөсүнө жайгашкан. Музейдин туңгуч директору ж-а анын этнография бөлүмүн негиздөөчү С. М. <i>Аб&shy;рамзон</i> болгон. 1930-жылдан этногр. ж-а табият таануу б-ча коллекцияларды жыйнап-топтоо маселесине көңүл бурулуп, 1941-ж. А. Н. <i>Берн&shy;штамдын</i> жетекчилиги м-н тарых-археол. бөлү&shy;мү түзүлгөн. С. <i>Керимбаев</i>, К. <i>Үсөнбаев</i>, К. И. Ан&shy;типина, В. Я. Галицкий ж. б. окумуштуу-тарых&shy;чылардын демилгеси м-н 1947-ж. музейдин соц. курулуш бөлүмү ачылган. Архитектор А. П. Зен&shy;ковдун долбооруна ылайык 1967-ж. музей му&shy;рунку Кыргыз ССРинин Өкмөтү жайгашкан има&shy;ратка көчүрүлгөн. 1973-ж. 28-декабрда 3500 <i>м</i><sup>2 </sup>аянтка (45 зал) КРдин жалпы тарыхына байла&shy;ныштуу байыркы <i>палеолит</i> доорунан XX к-дын 80-жылдарына чейинки эстеликтер (10 000 түп нускада) коюлуп, ил. мазмуну ж-а көркөмдөлү&shy;шү б-ча бул экспозиция Борб. Азия аймагында&shy;гы музейлердин эң мыктысы болуп таанылган. 1991-ж. В. И. Ленин атн. Борб. музейдин фи-

[[File:КЫРГЫЗ РЕСПУБЛИКАСЫНЫН МАМЛЕКЕТТИК ТАРЫХ МУЗЕЙИ20.png | thumb | none]]
лиалынын жаңы имараты ыйгарылып, азыр&shy;кы учурда музей фондусу 100 миңге жакын буюмга жетип, а. и. 48 миңи өтө маанилүү эсте&shy;лик болуп эсептелет. <i>Саймалуу-Таштагы</i> таш сүрөт көчүрмөсү; <i>коло доору, сак</i> мад-тына таан&shy;дык курал-жарак, турмуш-тиричилик буюмда&shy;ры; Чүй өрөөнүндөгү <i>Шамшы көрүстөнүнөн</i> та&shy;былган алтын буюмдар; байыркы көчмөндөрдүн
полихром жасалгалары (б. з. I–V-к.), <i>Түрк ка&shy;гандыгына</i> таандык таш жазуулары ж. б. ар&shy;хеол. ж-а этногр. баалуу коллекция болуп сана&shy;лат. <i>Үркүнгө</i> байланыштуу эстеликтер чогултул&shy;ган. О. эле кыргыз элинин салттык мад-тынын
үлгүлөрү болгон саймалар; ала кийиз, шырдак,
улуттук кийим-кече ат жабдык ж. б. бар. Өзгөчө дата, юбилей ж. б. карата ил. конф-я, көргөзмө&shy;лөр уюштурулат, ил. изилдөө иштери жүргүзү&shy;лөт. 1925–33-ж. Кырг-ндын Борбордук музейи,
1933–43-ж. Мамл. край таануу музейи, 1943–
54-ж. Улуттук маданият музейи, 1954-жылдан Мамл. тарых музейи. 
<p align='right'><i type='author'>Ж. Медералиева.</i></p>
[[Категория:4-том, 737-822 бб]]