КУЯҢ барагынын баштапкы кодун көрүү

<b type='title'>КУЯҢ</b> – жүлүн дүмүрчөктөрүн жабыркатуучу четки нерв системасынын оорусу. Көбүнчө ка&shy;туу кармап, өнөкөт түрүндө өтөт. Аны омуртка оорусу <i>– остеохондроз</i> пайда кылат. Оор нерсе көтөрүү, чукул кыймылдоо, кокустатуу, үшүп калуу ж. б. учурларда жүлүн дүмүрчөктөрү кы&shy;сылып калуусу мүмкүн. Нерв дүмүрчөктөрүнүн жабыркаган жерине жараша: бел-куймулчак, моюн, моюн-ийин жана көкүрөк К-ы болуп айыр&shy;маланат. Бел-куймулчак К-ы көп кездешип, ан&shy;да бел сыздайт. Оору кыймылдаганда күчөйт,
ошондуктан оорулуу басканда эңкейип же бир жагына кыйшаят, натыйжада омуртка да жа&shy;быркап, оору жоон санга, шыйракка, бут кетменине берилет. Бут муздап, булчуңдар шалды&shy;рап, кийинчерээк арыктайт, атрофия башталат. Моюн-ийин К-ында желке, ийин, далы ооруп, башты бурганда, колду кыймылдатканда, жө&shy;төлгөндө, чүчкүргөндө күчөйт. Көкүрөк К-ы сей&shy;рек учурайт; анда көкүрөк (кабырга арасында&shy;гы нерв) ооруп, кыймылдаганда, терең дем ал&shy;ганда күчөйт. Дарылоо үчүн анын себептерин жок кылуу керек. Ооруну басаңдатуучу каражаттар менен катар физиотерапия процедуралар, <i>да&shy;рылоочу дене тарбия</i> ж. б. колдонулат. Алдын алууда булчуңдарды чыңдоочу дене-тарбия жана спортко катышуу, организмди чыңдоо чоң мааниге ээ.
[[Категория:4-том, 597-656 бб]]