КАРА-БАЛТА (Жайыл районундагы суу) барагынын баштапкы кодун көрүү

<b type='title'>КАРА-БАЛТА</b> , К ө л - Б а ш ы – Жайыл районун&shy;дагы суу, Ак-Суунун (Чүйдүн алабы) сол куй&shy;масы. Узундугу 133 <i>км</i>, алабынын аянты 577 <i>км</i><sup>2</sup>. Кыргыз Ала-Тоосунун түндүк капталынан баш&shy;талат. Алабынын деңиз деңгээлинен орточо бийиктиги 2910 <i>м</i>. Өрөөнүнүн таманы кууш, жогорку бөлүгү туюк төрлөр м-н бүтөт. Алабында чакан мөң&shy;гүлөр ж-а көлдөр бар. Кара-Балтанын жалпы узундугу 268 <i>км</i> келген 84 куймасы бар; негизгилери: Чоң- Мазар (12 <i>км</i>), Абла (11 <i>км</i>), Туюк (16 <i>км</i>). Орточо чыгымы 5,25 <i>м</i><sup>3</sup>/<i>сек</i>. Май айынан сентябрдын ортосуна чейин кирип, сентябрь – апрель айла&shy;рында тартылат. Июнь – июль айларында суу&shy;су мол болуп, орточо чыгымы 14 <i>м</i><sup>3</sup>/<i>сек</i>, айрым жылдары 21–22 <i>м</i><sup>3</sup>/<i>сек</i>га жетет; февраль – март айларында 1,60 <i>м/сек</i>га азаят. Байкалган эң көп чыгымы 71 <i>м</i><sup>3</sup>/<i>сек</i>, эң азы 0,65 <i>м</i><sup>3</sup>/<i>сек.</i> Жылына орто эсеп м-н 23 сутка суунун бетин муз каптап жатат. Шыргалаң ноябрдын аягында башта&shy;лып, марттын ортосунда токтойт. Январь–фев&shy;раль айларында суунун температурасы 1°С, июль – августта 11,2°С, айрым күндөрү 17,0°Сге чейин жогорулайт. Суусунда тоо жилиңгири, марин&shy;ка балыктары бар. Сугатка пайдаланылат. Кара-Балтадан 20 <i>м</i><sup>3</sup>/<i>сек</i> суу өткөрүүчү Таш, ГЭС, Чоң Жетиген каналдары чыгарылган. Төмөнкү агы&shy;мында Кара-Балта суу сактагычы курулган.<br>Өрөөнүндө Кара-Балта шаары, Моңолдор, Сары-Бу&shy;лак, Сосновка, Ставрополовка, Степной кыштактары жайгашкан.
[[Категория:4-том, 51-100 бб]]